Moses… geroep!

Moses, Geroep bring die epiese Bybelse verhaal van Moses na die verhoog – van baba tussen die biesies, tot prins van Egipte en uiteindelik God se geroepe leier by die brandende bos. Sy hegte band met Ramses verbrokkel onder botsende lojaliteite aan mag en geloof. Moses se gehoorsaamheid aan God lei tot ’n dramatiese konfrontasie met Egipte se heersers, gekenmerk deur weerstand, oordeel en die plae, en kulmineer in die wonderbaarlike deurtog deur die see. Die produksie ondersoek die prys van roeping en die gevolge van gehoorsaamheid en verset, met die tydlose boodskap: “U wil – nie myne nie.”